2049

Dahil may free time ako dito sa trabaho, binuksan ko ung Social Security at Teacher Retirement System (TRS) accounts ko. Napapadalas kasi ang paguusap namin ni Robert tungkol sa retirement. Sabi nya hindi daw sya magreretire. Magtatrabaho sya kahit part time. Ako naman, balak kong magretire na parang ung mga magulang ko ngayon. Walang isipin, walang pinoproblema. Travel lang ng travel habang kaya pa ng katawan.

65 years old ang retirement age. Pwede din hanggang 67 o kaya pwedeng magearly retirement. Pero depende sa edad kung kelan ka magreretire, un ung magdidikta kung magkanong retirement money ang makukuha mo buwan-buwan. Ung SSA saka TRS websites, may calculators na pwede mong gamitin para macompute kung magkano ang makukuha mo kapag nagretire ka ng maaga o tamang eded. Inisip ko na kung kelan ako magreretire, 65 siguro. Un e kung malakas pa ako ng mga panahong yan. Pero ideal nga ang 65, kaya un na ung nilagay ko sa website para i-calculate. By that time, may 34 years in service na din ako. 34 years. Ang tagal din, hehe. Halos kalahati pa ng edad ko ngayon ang taon na bubunuin ko bago magretire. Nung pinindot ko ang Calculate, lumabas kung magkano ang makukuha ko buwan-buwan. Ayos naman, mabubuhay naman kami ng maayos ni Robert, may retirement din naman kasi sya. Tapos nung nakita ko ung taon kung kelan ako magreretire, 2049. Parang joke joke lang, naisip ko. 2049, napakafuturistic ng taon. Parang buhay pa ba ako ng panahon na yan? Hehe.

Kapag ata talaga nagkakaedad na, nagiiba na ang priorities sa buhay. Nung bata hanggang teenager ako, studies, crushes at sana hindi mapagalitan ng mga magulang ang iniisip ko. After college, makahanap ng magandang trabaho ang main goal. Gusto ko din syempre na magkalove life, makasal at magkaanak. Fast forward to 2017, future bahay, future babies at retirement na ang priorities. Nasa plano din ang travel. Gusto naming magtravel kung hindi international e kahit within US lang.

2049, ang tagal pa nyan pero it is something to look forward to. Ang sarap isipin na ung mga pinagtrabahuhan namin ngayon, may end goal din. Walang bills, makapagtravel kahit kailan namin gusto at magkaroon ng mas madaming time kasama ang isa’t-isa.